ხოაკინ ფენიქსის იშვიათი საჯარო პაემანი და რუნი მარას გამჭირვალე კაბა

რუნი მარასა და ხოაკინ ფენიქსს იშვიათი საჯარო პაემანი ჰქონდათ. წყვილი Gentle Monster-ის ღონისძიებაზე გამოჩნდა და საღამო გლამურულ პაემანზე გაატარა!

ეს იყო 10 ნოემბერს ნიუ-იორკში, უოლ-სტრიტის 23-ნომერში, ბრენდ Gentle Monster-ის „ინტელექტუალური სათვალეების“ (Intelligent Eyewear) ახალი კოლექციის პრეზენტაციაზე. რუნი გამჭვირვალე შავი "კაბით" იწონებდა თავს. 52 წლის ფენიქსი კი ნამდვილად ინტელექტუალურად გამოიყურება. მსახიობმა ჭაღარაც ძალზედ მოიხდინა.

„ინტელექტუალური სათვალეების“ (Intelligent Eyewear) სიურეალისტური სამყარო, ექსკლუზიური ღონისძიების ფარგლებს გასცდა და თავის წვეულებაზე ფართო საზოგადოება მიიწვია. მათ შორის იყვნენ ვარსკვლავებიც. ხოაკინ ფენიქსი, ალექს ქონსანი და ანოკ იაი კამპანიის სახეები არიან.

მათთვის, ვინც არ იცის: რუნი და ხოაკინი ერთად 2016 წლიდან არიან, 2019 წლის ივლისში კი დაინიშნენ, თუმცა ოფიციალურად არ დაქორწინებულან.

ქორწინების შესახებ ხმები მას შემდეგ გავრცელდა, რაც ხოაკინმა რუნის რამდენჯერმე „ცოლი“ უწოდა; წყვილს ორი შვილი ჰყავს: ვაჟი (დაიბადა 2020 წლის სექტემბერში) და ქალიშვილი (დაიბადა 2024 წლის ივნისში).