"მთვრალი, რუსი დედაკაცები ქართველების ბედნიერებას ვერ იტანენ" - ქორწილის ინციდენტს გიორგი ჭიღლაძის მამა ეხმიანება

როგორც იცით, 30 წლის გიორგი ჭიღლაძე თელავის მუნიციპალიტეტის სოფელ რუისპირში, აგარანის მამულში მომხდარი დაპირისპირების გამო დააკავეს. სასტუმროს ეზოში გამართულ მექორწილეებს, მესამე სართულის აივნიდან, რუსმა ქალბატონებმა, ჯერ შეურაცხმყოფელი სიტყვები ეძახეს, შემდეგ წყალი, სასმელი გადმოასხეს და გადმოაფურთხეს კიდეც... შემდეგ აპარატურაც დააზიანეს. ამ ყველაფრის შემდეგ ნეფის ძმა, მათთან სასტუმროს ნომერში ავიდა...

ვიდეო ყველას ნანახი გაქვთ.

გიორ ჭიღლაძის მამა სოციალურ ქსელში წერს:

“ეს ჩემი შუათანა ვაჟის ქორწილში მოხდა. ამ ქალებმა, რომლებიც მესამე სართულზე ბინადრობდნენ, ჩაშალეს მისი ქორწილი. სასტუმროს ღია სივრცეში გაშლილ სუფრებზე ზემოდან ჯერ წყალი გადმოგვისხეს, მერე აფურთხებდნენ, მრავალგზის გაფრთხილების მიუხედავად, მაინც იგივე გააგრძელეს, ბოლოს კი შარდი გადმოგვასხეს.

მერე მოხდა ის, რასაც ხედავთ. ავიდა ეს თქვენი "მამაკაცი" ზემოთ, ამათ ჯერ დაარტყეს, მერე ყელში წვდნენ (აქ მის ყელზე და კისერზე ნაიარევს თქვენ, რა თქმა უნდა, ვერ ხედავთ, თუმცა რაღაც მომენტში ჩანს ,თუ როგორ ჰკრავს ხელს ეს ქალი მას. ეს მისი დარტყმების მხოლოდ ბოლო აკორდია).

უბრალოდ, ქართული ბედნიერი ოჯახის შექმნას, ბარაქიანი ქართული სუფრისა და ქართველების ბედნიერებას ვერ იტანენ და ბოღმით გაიბერენ მთვრალი რუსი დედაკაცები.

ახლა, თუ მე ვცდები, მეც გამლანძღეთ, იმიტომ, რომ ჩემი შვილი ჩემი გაზრდილია.

ახლა, ქართული და ოჯახის სიწმინდის დაცვისათვის, ჩემი გიორგი გურჯაანის იზოლატორში იმყოფება. იმედია, ყველაფერი დალაგდება.”- წერს სოციალურ ქსელში ჭიღლაძის მამა.

გიორგი ჭიღლაძის ქმედებას ბევრი მომხრე გამოუჩნდა, ძალიან სწორად მოიქეცი, შეურაცხყოფას და მით უფრო, მთვრალი რუსებისგან, რომელი ქართველი აიტანდაო. თუმცა ქალზე ძალადობის ფაქტს, საზოგადოების ნაწილი უარყოფითად უყურებს და პასუხისმგებლობას სასტუმროს აკისრებს, რომელსაც დროული რეაგირება რომ მოეხდინა, ეს ფაქტი არ მოხდებოდა.

ამბობენ, რომ გიორგი ჭიღლაძე არის პროვოკაციის მსხვერპლი. ის ამ დაგებულ პროვოკაციას წამოეგო.

***

სას­ტუმ­როს მე-3 სარ­თულ­ზე იმ­ყო­ფე­ბოდ­ნენ რუ­სულ ენა­ზე მო­სა­უბ­რე დამ­სვე­ნებ­ლე­ბი, რო­მელ­თაც მეფე-დე­დოფ­ლის მი­მარ­თუ­ლე­ბით და­ი­წყეს შე­ძა­ხი­ლი Горька (კოც­ნა).

იმის გამო, რომ მათ შე­ძა­ხილს მექორწილეებმა ყურადღება არ მი­აქ­ციეს, აღ­ნიშ­ნულ­ზე გა­ღი­ზი­ან­დნენ და და­ი­წყეს მე-3 სარ­თუ­ლი­დან სი­თხე­ე­ბის გად­მოს­ხმა და ფურ­თხე­ბა ქორ­წი­ლის სტუმ­რე­ბის მი­მარ­თუ­ლე­ბით. გად­მოს­ხმუ­ლი სი­თხე ასე­ვე ჩა­ის­ხა ვე­რან­და­ზე არ­სე­ბულ მუ­სი­კა­ლურ აპა­რატ­ში, რის შე­და­გა­დაც აპა­რა­ტი მწყობ­რი­დან გამოვიდა და მუ­სი­კა შე­წყდა.

ამ ფაქ­ტი­დან მა­ლე­ვე მომ­ღე­რალ­მა ალექ­სან­დრე მრე­ლაშ­ვილ­მა მუ­სი­კა­ლუ­რი აპა­რა­ტი აამუშავა და სიმ­ღე­რა გაგ­რძელ­და. და­ახ­ლო­ე­ბით 10-15 წუთ­ში მე-3 სარ­თუ­ლი­დან კვლავ და­ი­წყეს სი­თხის გად­მოს­ხმა და ფურ­თხე­ბა. აღ­ნიშ­ნულ­ზე მომ­ღე­რალ­მა ალექ­სან­დრე მრე­ლაშ­ვილ­მა გა­ნა­ცხა­და, რომ ასეთ შე­უ­რა­ცხმყო­ფელ პი­რო­ბებ­ში მუ­შა­ო­ბის გაგ­რძე­ლე­ბა არ შე­ეძ­ლო და და­ტო­ვა იქა­უ­რო­ბა.

***

"ტვ პირველის“ ცნობით, თელავის რაიონულ სამმართველოში ხელმეორედ დაიბარეს მომღერალი ალექსანდრე მრელაშვილი და განყოფილებაშივე დააკავეს.

ალექსანდრე მრელაშვილმა, რომელიც პოლიციის განყოფილებაში მეორე მივიდა, თქვა, რომ ის უკვე გამოკითხული იყო.

მრელაშვილი იყო მიწვეული მომღერალი სასტუმრო „აგარანის მამულში“ გამართულ ქორწილში, რომელიც სასტუმროს სტუმრებთან კონფლიქტში გადაიზარდა.

შინაგან საქმეთა სამინისტროს ცნობით, მომღერალი ალექსანდრე მრელაშვილი დაკავებული არ არის, თუმცა მის მიმართ დაიწყო ადმინისტრაციული წარმოება.