შეიძლება თუ არა დილის ყავით დაწყება? - ნატა გაგუა გვირჩევს

ხშირად გვესმის განსხვავებული მოსაზრებები იმ თემასთან დაკავშირებით, თუ რომელი სასმელით უნდა იწყებოდეს დილა - ფინჯანი ცხელი ყავით თუ ერთი ჭიქა ცივი წყლით?

სწორად იქცევიან თუ არა ადამიანები, რომლებსაც დილა ფინჯანი ყავის გარეშე ვერ წარმოუდგენიათ?

ამ კითხვებზე zmna.ge-ს კითხვებს ნუტრიციოლოგმა ნატა გაგუამ უპასუხა.

ნატა გაგუა:

ყავის დალევა დილით კარგი გადაწყვეტილებაა. უბრალოდ, ვისაც ჯანსაღი ცხოვრება უნდა, დილა დაიწყოს წყლით და წყლის დალევიდან 15-20 წუთის შემდეგ შეგიძლიათ მიირთვათ სწორად მომზადებული ყავა.

რას ნიშნავს სწორად მომზადებული ყავა? თუ გინდათ იყოთ ენერგიული მთელი დღის განმავლობაში და თქვენს ორგანიზმზე არ აისახოს ყავის უარყოფითი თვისებები, საჭიროა, რომ პირველი ფინჯანი ყავა იყოს კარგი ყავისგან მომზადებული. თუ დრო გაქვთ, კარგი იქნება ხელის საფქვავით დაფქული. ასე უფრო მეტ პლუსებს მიიღებთ ყავისგან.

ყავა უნდა იყოს უშაქრო. ქალბატონებისთვის შეიძლება ცოტა რძით და ნაღებით, რადგან არსებობს ასეთი მოსაზრება, რომ ყავა უმნიშვნელო რაოდენობით, მაგრამ მაინც აძევებს ორგანიზმიდან კალციუმს.

თუ მკაცრ დიეტაზეა ადამიანი, მაშინ რძის ან ნაღების დამატება უფრო მნიშვნელოვანია მაგრამ თუ დღის განმავლობაში მიირთმევს რძის პროდუქტებს და კალციუმით მდიდარ პროდუქტებს, მაშინ შეუძლია ყავა რძის გარეშეც მიირთვას" - ამბობს ნუტრიციოლოგი.